tg-me.com/alkalm313/24258
Last Update:
عوفنه النشر يل تقرن اعله حسين
بـاب الله وسيع ويقبـل التــــوبة
المجالس للاسف بث المباشر صار
ومن موقع الموقع انتي مسحوبة
احـچي للبـعض والعذر للـزينـات
مـلالي اخر وكـت بالنشر مرغوبة
عورة الصوت وانتي بكل كتر تقـرين
وياثـوب الخـدامة يريـــد مـــــطلوبة
اله هيبة العزة وبي حاضرة الزهراء
تبـچي اعله الشهيد السلـبوو ثـــــوبة
تـرثى الحـالة الها خادمـة تگوليــن
وانـتي عله النشر غالبة ومغلــــوبة
خـجل ماكـو بعد من زينب الحـوراء
تنـظر ع الجـرة والــــــروح متعــــوبة
ومن ننصـح نگلـها هالفـــعل ميجوز
مـا تاخـذ نصيـحة الخلـقة مگلـــوبة
معاني الها چثيرة خدمة اهل البيت
وكل ضنها التسوي هيـچ محســوبة
بـريئـة الزهـرة منـچ غرتـچ دنيـــاچ
ومـن دفـتر الخدمة هناك مشطوبة
تختـار الذي تمـشي بطريـــق الله
ويرضى الخالق الها ويرضى محبوبة
تـره بيـوم الحساب يغربـل الغربيـل
وتصير گبال عينـة كلمن اذنـــــوبة
راس الحكمة هيه من الله تخـافـين
وبستـر العقيــــله كــــون محجوبـــة
/////////////////////////
تمت بعون الله وتوفيقه بقلم خادمة أهل البيت "عليهم السلام" العلوية ام وليد الموسوي لا أجيز حذف الاسم نسألكم الدعاء وقراءة سورة الفاتحة إلى روح والدي ووالدتي
ـــــــــــــــــــــــــــــــــــــــــــــــــــــــــــــــــــــــــــــ
انشر تؤجر
https://www.tg-me.com/sg/منتدى القلم الفاطمي لشاعرات أهل البيت ع /com.alkalm313
